IPAHIGAYON sa lungsod sa Barili, Cebu atol sa kapistahan sa Snra. Santa Ana ang Bakbakan sa Barili karong Hulyo 27 sa alas 3:00 sa hapon sa RV Alquizola Sports Complex.

Ang kalihukan gilangkuban og boxing tournament ug martial arts exhibition.

Upat ka mga parisan nga gikan sa boxing stables sa Sugbo ang magbinukbokay sa boxing event.

Aduna sab ipahigayon nga exhibition sa mixed martial arts, arnis ingon man self-defense.

Giawhag ang mga batan-on nga interesado nga moapil ning kalihukan. Mahimo silang magpalista sa buhatan sa Senior Citizens’ Federation sa Barili kutob sa Hulyo 13, 2019 sa alas 9:00 sa buntag. (PR)