HUMAN sa kapin sa dekada gikan sa iyang pagretiro, mobalik og away si international Hall of Famer Mexican Marco Antonio Barrera.

Ang gitawag og Baby Faced Assassin, kinsa kanhi three-division world champion, makigbatok sa iyang kababayan nga si kanhi two-time world champion Daniel Ponce de Leon karong Nobiyembre 20, 2021 sa Inn of the Mountain Gods Resort & Casino sa Mescalero, New Mexico.

Ang duha ka mga boksidor magbinukbokay sa six-round welterweight clash nga maoy main event sa boxing card sa Tapia Promotions.

Si Barrera, kinsa adunay 67-7, 44KOs nga rekord ug nag-edad na’g 47, miretiro si Barrera niadtong Pebrero, 2011.

Sa iyang bahin, si De Leon mobalik sab og away human sa pito ka mga tuig nga pagretiro.

Si De Leon, kinsa nag-edad og 41, naggunit og 45-7, 35 KOs nga rekord. (ESL)