Mga duwa karon:

4:30 pm- NLEX batok Phoenix

6:45 pm- Meralco batok Blackwater

Daw misarasay sa kahubog ang Terrafirma Dyip human sila gipangmakmak sa San Miguel Beermen, 122-102, sa premirong duwa kagahapon, Pebrero 3, 2023, sa Philippine Basketball Association (PBA) Governor’s Cup sa Ynares Center sa Antipolo City.

Ang Beermen, nga ningrehistro sa ilang ikatulong sunodsunod nga kadaugan sa samang gidaghanon nga mga duwa, gipangulohan sa ilang import nga si Cameeron Clark, kinsa nitali og 31 puntos.

Nitampo og 20 puntos si CJ Perez samtang nitunol og 17 puntos si Mo Tautuaa alang sa Beermen.

Ang Dyip, nga nadasmag sa 1-2 nga rekord, gipangulohan sa ilang makapaukyab nga import nga si Jordan Williams pinaagi sa iyang 30 puntos, nitampo og 20 puntos si Juami Tiongson samtang nihatag og 18 puntos si Eric Camson.