PANAG-ABOT sa mga tang-ang ug inilang derbiyesta sa Visayas ug Mindanao ang masaksihan sugod ugmang adlawa sa dihang ipahigayon ang 7-Stag derby diha sa New Gallera de Mandaue sa barangay Tabok, Mandaue City.

Kini maoy gipahibawo ni Abio Monsanto, ang usa sa mga nagpasiugda sa nahisgutang derby.

Matod ni Monsanto nga gibanabanang moabot ngadto sa 150 kapin ka sultada ang masaksihan.

Ubos sa promotion sa inilang promoter nga si Engr. Sonny Lagon sa Blue Blade, moabot sa singko milyones ka pesos ang nakahan-ay nga premyo alang sa mga mananaog samtang P220 ang pot money sa matag entry.

Sugdan sa alas diyes sa buntag ang unang sulada. PR