GIANGKON sa Blackwater Elite nga napuno gihapon sila sa kabalaka bisan gikonsiderar nga false positive ang resulta sa swab test sa usa ilang mga magduduwa.

Niadtong Miyerkules, Oktubre 28, 2020, kalit lang giuswag ang duwa sa Blackwater batok sa Magnolia Hotshots sa Philippine Basketball Association (PBA) Philippine Cup bubble sa Angeles City, Pampanga nga nakapasamot sa ilang kabalaka.

Kini maoy ikaduhang higayon nga nauswag ang duwa sa Blackwater.

Matod ni Blackwater coach Nash Racela nga iyang nabantayan nga daw wala na nahimutang ang iyang mga magduduwa.

“Medyo frustrating na at hanging kami day to day,” pasabot ni Racela sa inetrbyu sa Spin.ph.

Ang PBA naghuwat pa sa desisyon sa Inter-Agency Task Force on Emerging Infectious Diseases (IATF) una nila maeskedyul og balik ang nangauswag nga mga duwa sa Elite. (ESL)