PADAYON ang Blackwater Bossing sa paghimo og lakang alang sa ilang tinguha nga molig-on ang ilang puwersa alang sa ilang kampanya sa Philippine Basketball Association (PBA).

Nagkanayon si Bossing interim coach Ariel Vanguardia nga nakatakda na nilang i-trade ang usa sa ilang mga pambato nga si Mike Tolomia ug 2023 second round pick ngadto sa Alaska Aces baylo nila ni JVee Casio ug Barkley Eboña.

Hinuon, naghuwat pa kini nga maaprubahan sa PBA.

“I think it’s a win-win for both teams. But we’re still waiting for the approval of the PBA,” asoy ni Vanguardia sa interbyu sa Spin.ph.

Sa miaging duha ka mga semana, gibuhian sa Blackwater si Simon Enciso aron makuha si Rashawn McCarthy gika sa Terrafirma Dyip.

Sa kasamtangang nagpadayon nga Philippine Cup, ang Bossing nanamilit nga wala nakatilaw og daog sulod sa 11 ka mga duwa. (ESL)