GIPAMULTA sa NBA ang Milwaukee Bucks og $50,000 tungod sa paghatag og komento niini kalabot sa contract extension nga gitanyag niini ngadto sa kasamtangang MVP nga si Giannis Antetokounmpo.

Ang pagpamulta maoy linugdangan sa gipadayag sa general manager sa Bucks nga si Jon Horst nga nagtanyag sila og supermax nga contract extension ngadto ni Antetokounmpo.

Kini nahisupak sa ilang lagda sanglit gitugotan lang sila nga makahatag og tanyag sa ilang mga player sa 2020 summer pa.

Sa dihang gipangutana kalabot sa kontrata ni Antetokounmpo niadtong September 12 si Horst nagkanayon nga “The answer right now is we can’t talk and negotiate anything. Giannis, basically a year from now, will be eligible for a supermax extension. At that time, of course, he’ll be offered a supermax extension.” (ESL)