UNSA’Y sunod nga lakang ni Mexican Saul “Canelo” Alvarez (50-1-2, 34 KOs) human sa iyang majority decision nga kadaugan batok kang Gennady Golovkin ning bag-uhay lang sa T-Mobile Arena sa Las Vegas? Nagkanayon si Eric Gomez, presidente sa Golden Boy Promotions, nga ilaha nang nareserba ang petsa Disyembre 15 alang sa pagbalik og away ni Alvarez. Apan giklaro ni Gomez nga wala pa sila’y napili nga venue ug kontra alang sa pagbalik og away sa kasamtangang labing bantugang boksidor sa Mexico. “We’re going to get together with the team later this week. We’re going to discuss it, it’s up to him whether he feels capable of it or not, depending on the cut.” pasabot ni Gomez. (ESL)