MIPANAW na sa laing kalibutan ang beteranong basketball coach sa nasod nga si Aric del Rosario, Huwebes, Marso 26 human kini atakiha sa kasingkasing. Siya nag-edad og 80 anyos.
Si Del Rosario maoy naggiya sa University of Santo Tomas Growling Tigers ngadto sa upa ka sunodsunod nga kampiyonato gikan sa tuig 1993-1996.
Siya usab ang coach sa Pampanga sa dihang ilang gilangkat ang una nilang kampiyonato sa Metropolitan Basketball Association (MBA) sa tig 1998.
Taodtaod usab siyang nahimo nga deputy ni multi-titled coach Tim Cone sa dihang diha pa siya sa Alaska sa PBA ug nahimong tipil sa team nga naka grand slam sa 1996.
Dugang niini, naka-coach usab siya sa national team nga naka gold medal sa 2003 Southeast Asian Games. (JBM)