ANDAM na’ng mohamag alang sa usa ka world title fight ang usa sa mga pambatong boksidor sa Omega gym sa Cebu nga si Kenny Demecillo kon molampos kini sa umaabot niining away batok kang Michael Dasmariñas karong Marso 23 sa Resorts World Manila.

Mao kini ang pagtuo ni international judge Arnie Najera.

“At this point, yes, Demecillo is ready to face the best in the world. He is this era’s Navarette or Duran. He is all heart, one who’s willing to take a punch so he can dish his own,” batbat ni Najera, kinsa usa ka beteranong judge diin kapin na sa 400 ka mga away ang nagguitan niini.

Mas taas man tuod og kasinatian si Dasmariñas apan sa tan-aw ni Najera, wala kini panumbalinga ni Demecillo.

“I don’t think there’s anybody in his (Demecillo) division, one up or one lower, that he fears at the moment. He takes on all comers,” dugang ni Najera.

Si Dasmariñas adunay 28-2-1, 19KOs nga rekord samtang si Demecillo naghupot og 14-4-2, 8KOs nga baraha.

Hugot ang pagtuo ni Najera nga grabeng binukbokay ang masaksihan ning sangkaa. (ESL)