HUMAN magbilin og maayong binuhatan sa komunidad sa University of the Philippines, ang Sugboanong si Paul Desiderio nanghinaot sa gihapon mabuhat kini niya ngadto sa team nga unang mopili kaniya sa PBA Drafting karong adlawa didto sa Robinson’s Place sa Kaulohan.

Ang tsans ni Desiderio sa drafting misaka human niya magiyahi ang Fighting Maroons ngadto sa wala damhang runner-up finish sa bag-o lang natapos nga UAAP season.

Gipakita ni Desiderio ang iyang kalidad ug lig-on nga determinasyon taliwala sa naghingutas nga sitwasyon sa ilang team gikan pa sa sinugdanan hangtod na sa katapusan diin ilang gikabagat ang powerhouse ug defending champion Ateneo de Manila Eagles sa finals.

Ang laing Sugboanon ug beteranong si Emmanuel calo, kanhi sakop sa University of the Visayas Green Lancers, apil usab sa drafting. JBM