Sa edad nga 67, mipanaw sa laing kalibutan ang kanhi team captain sa University of San Jose Recoletos (USJ-R) Jaguars nga si Jesus “Jessie” Bartolabac Jr. niadtong Mayo 15, 2022.

Nasayran nga giataki sa kasingkasing si Bartolabac, natumba kini ug naparok ang ulo nga miresulta og blood clot.

Nagduwa si Bartolabac sa Jaguars niadtong dekada 70 diin lakip sa iyang mga nakauban mao ang Philippine Basketball Association (PBA) legends nga sila si Abet Guidaben ug Bernie Fabiosa.

Ang haya sa patay nga lawas ni Bartolabac naa sa St. Peter Funeral Homes sa Mandaue City.

Dad-on ang iyang patayng lawas sa Bohol karong Sabado, Mayo 21, 2022 aron ilubong.