Gipakaging sa Gilas Pilipinas ang Tunisia sa overtime, 74-73, sa nagpadayon nga 10th King Abdullah Cup, Biyernes (Philippine time) sa Prince Hamzah Sport Hall sa Amman, Jordan.

Ang free throw ni Thirdy Ravena sa katapusang 9.1 segundos nga gisundan sa hugot nga depensa sa ubang Gilas maoy nakakompleto sa ilang panimalos sa 2017 AfroBasket gold medalist aron irehistro ang ilang ikaduhang kadaugan (2-1).

Niini, mibukad ang kahigayonan nga makasulod sa semifinals ang mga Pinoy sa dihang ilang ikasangka ang Jordan-A sa ilang sunod nga tahas.

Ang duha ka koponan pulos adunay susama og baraha human nga ang host nasugamak og 67-79 nga kapildihan sa Egypt (3-0) niadtong Miyerkules.

Komportabling naglabaw unta og nuebe puntos ang Pilipinas sa second period apan napapas kini sa sunod second half ug gani nabiyaan pa kini sa Tunisians, 59-51.

Hinuon hinayhinay kining nakabawi ubos sa panaghugpong nila i Ange Kouame, Dwight Ramos ug SJ Belangel.

Si Kouame nangulo sa Gilas nga may 12 puntos, uban sa pito ka rebounds, lima ka assists ug lima usab ka blocks.

Mga puntos: