DESIDIDO ang Gilas Pilipinas nga moapil sa aksyon sa umaabot nga PBA Season sa tuig 2021 apan kanus-a sila moabli?

Ang SBP nagplano nga mo-restart sa ilang training camp karong tunga-tunga sa Marso diin ang Fiba Asia Cup qualifiers karong Hunyo diin ang PBA gilantaw nga mosugod karong Abril.

“Yung konsepto, maliwanag yun. Nag-usap kami ni Comm. Willie (Marcial) on Gilas being able to play in the PBA, whether it’s going to be in the conference or we will come up with a pocket tournament,” matod ni SBP executive director Sonny Barrios.

“Yun ang pinag-aaralan at kung ano yung recommendation namin, yun ang isusulong sa kanya kanyang organisasyon, ako sa SBP at siya naman sa PBA Board.” dugang ni Barrios.

Ang pagsalmot sa Gilas Pilipinas gihangop sa Board of Directors atol sa ilang board meeting niadtong February.

Ang pagsalmot sa Gilas sa PBA dako og ikatabang sa ilang preparasyon para sa World Cup qualifiers taliwa niining pandemya diin gi-istrikto ang international travel.

Ang Gilas players gilangkoban nilang Isaac Go, Rey Suerte, twins Matt ug Mike Nieto ug si Allyn Bulanad uban nilang William Navarro, Jaydee Tungcab, Jordan Heading ug Tzaddy Rangel nga gikatakdang moapil sa special Gilas round sa umaabot nga PBA Rookie Draft. (PAC)