SUGDAN sa bag-ong Gilas Pilipinas ang ilang kampanya alang sa FIBA Asia Qualifiers karong gabii diin sangkaon nila ang host Indonesia national team sa Mahaka Arena.

Si Gilas interim coach Mark Dickel masaligon nga mopatigbabaw ang iyang puwersa apan wala niya ikalimod nga aduna sab siya’y gibating kabalaka ning kombatiha.

Gipasabot ni Dickel nga milig-on na sab ang puwersa sa Indonesia ubos sa paggiya ni coach Rajko Toroman, kinsa coach sa Gilas.

Ang mga sakop sa bag-ong Gilas pangulohan sa magsuong sila si Keifer ug Thirdy Ravena, Troy Rosario, RR Pogoy, ug CJ Perez.

Mokompleto sa team mao sila si Poy Erram, Abu Tratter, Justin Chua, Isaac Go, Dwight Ramos, Juan Gomez de Liano, ug Matt Nieto. (ESL)