Niapil na si Tyler Herro sa full-contact practice sa Miami Heat apan wala pa gihapon kaseguroan nga makabalik na kini pagduwa sa pag-host sa Heat sa Denver Nuggets sa Game 3 sa National Basketball Association (NBA) Finals ning Huwebes, Hunyo 8, 2023 (PH time).

Si Herro, kinsa nag-average og 20.1 puntos sa 2022-23 season, nakasinati og piang sa iyang tuo nga kamot nga niagi og operasyon.

Naalim na man tuod ang angol ni Herro apan nagkanayon si Miami coach Erik Spoelstra nga ilaha pang susihon ang kondisyon niini sa matag adlaw.

“We’re taking it one day at a time,” matod ni Spoelstra. (AP)