BINAYLOAY tali sa duha ka mga Sugboanon ang mitumaw karon sa PBA sa dihang ang pointguard sa Blackwater nga si Brian Heruela gi-trade ngadto sa wingman nga si Ron Dennison sa Phoenix Petroleum ni coach Louie Alas.

Lumad nga taga Minglanilla, Cebu, ang produkto sa University of Cebu nga si Heruela, 30, ang bag-o lang nahibalik sa Blackwater , ang team nga nag-draft kaniya niadtong 2014. Apan wa lang usab dayon magdugay, nitugpa n ausab siya sa Phoenix

“I’m excited with this new opportunity. I understand it’s a business and at the same time,” matod ni Heruela nga nakuhaan og pamahayag ni Jonas Panerio sa Sun.Star Cebu.

Kini maoy ikaupat nga higayona nga na-trade si Heruela.

Si Dennison, sa iyang bahin, nalipay nga nahitapo siya sa iyang mga kanhi kauban.

Ubos sa Blackwater iyang ikaubang og balik ang headcoach nga si Nash Racela ug ang iyang kauban sa UV high school sa 2011 sa dihang ilang gilangkat ang Cesafi junior title.

“Siyempre happy ko kay naa gihapon ko team lalo na coach Nash. Siya ako coach sa college for four years unya naa pa ako mga teammates ngadto kaya di ko medyo maglisod og adjust ngadto. For me, thankful ko kay God kay kahibaw ko naa siya plano sa akoa,” dugang ni Dennison. (JBM, JNP)