ANDAM nang ilusad sa Philippine Postal Corp. ang ilang labing unang stamp diin napatik ang hulagway ni Philippine Basketball Association (PBA) legend Robert Jaworski.

Ang limited-edition nga stamp ilusad karong Oktubre 16, 2021 aton sa pagsikad sa kasaulogan sa ika-75 ka mga tuig gikan sa labing unang paggamit og stamp sa Pilipinas.

Daghang stamp collectors ang naghinamhinam nang makaangkon niini.

“Commemorating the greatness of the Big J in basketball via stamp is indeed a distinct honor, not even the great Caloy Loyzaga was given such honor,” batbat ni architect Reynaldo Punongbayan nga napatik sa Spin.ph.

Si Punongbayan usa lang sa mga sumosunod ni Jaworski ug usa sab kini ka stamp collector. (ESL)