NAHILAKIP si National Basketball Association (NBA) superstar Kawhi Leonard sa celebrities nga naa sa ringside sa panag-away nila ni Filipino boxing icon Manny Pacquiao ug American Keith Thurman kagahapon sa MGM Grand Garden sa Las Vegas, USA.

Si Leonard, kinsa mitapon sa Los Angeles Clippers human niya naagak ang Toronto Raptors sa labing una niining titulo sa NBA, sayong miabot sa venue ug milingkod duol sa gilingkuran sa pamilya ni Pacquiao.

Naa sab sa ringside ang retiradong si Floyd Mayweather Jr., kinsa gituohang maoy sunod nga makontra ni Pacquiao.

Misaksi sab sa awat ang Pinay nga napiling Miss Universe nga si Catriona Gray. (ESL)