Gianunsyo sa Philippine Bas-ketball Association (PBA) nga temporaryo niining undangon ang mga duwa sa Philippine Cup isip usa ka lakang aron makatabang sa pagsumpo sa pagkuyanap sa Covid-19 Delta variant.

Ang nakaeskedyul nga mga duwa sugod karong adlawa, Agusto 4, 2021, ipang-uswag sa wala pa matino nga venue.

Adunay kamanduan ang gobiyerno nga ipaubos ang National Capital Region (NCR) sa labing estriktong quarantine classification nga mao ang enhanced community quarantine (ECQ) sa Agusto 6-20, 2021.

Ang PBA ninghangyo na sa Inter-Agency Task Force for the Management of Emerging Infectious Diseases (IATF-EID) nga ibalhin sa Lipa, Batangas ang ilang mga duwa.

Nagkanayon si Commissioner Willie Marcial nga naghuwat pa sila sa desisyon sa IATF una nila maeskedyul pagbalik ang ilang mga duwa.

Ang Philippine Cup nasugdan niadtong Hulyo 16, 2021 diin gipahigayon ang mga duwa sa Ynares Center sa Pasig City. (ESL)