SUGDAN karong adlawa ang 1st Mayor Edgar Labella Inter-commercial basketball league diha sa Cebu City Sports Institute sa Sawang Callero, dakbayan sa Sugbo.

Ang exhibition match tali sa Cebu City Local Government Unit ug Siargao LGU sa alas tres ang takna sa hapon maoy moabli sa tournament nga salmotan sa unom ka teams.

Mosunod ang opening program ug human niini, mosugod na ang aktuwal nga kompetisyon.

Sa opening match, ang JTR mosakbang sa Aspa Formworks sa alas singko sa hapon samtang ikasangka sa KCS Lapu-lapu ang SG sa ikaduhang duwa sa alas 6:30 sa gabii.

Sa main game sa alas otso sa gabii, ang Fighter Wine mosakbang sa Siargao Wave Riders. / JBM