NIBANGON ang Magnolia Hotshots gikan sa 16 puntos nga lubong apan gikinahanglan pa ang duha ka overtime aron pildehon ang NLEX Road Warriors 112-105 sa 2021 PBA Philippine Cup sa Bacolor, Pampanga, Setyembre 8, 2021.

Nahimong hero sa Hotshots si Aris Dionisio kinsa nipasulod sa iyang three-pointer sa nahabiling 2.4 segundo nga nahabilin nga maoy naghatod sa ikaduhang overtime.

Dinhi na ni-takeover si Ian Sangalang kinsa nipupo og 21 puntos uban sa walo ka rebounds para sa Magnolia kinsa niduwa nga wala na si Calvin Abueva kay na-fouled out sa duwa.

Si Abueva nihipos og game high 23 puntos ug 12 ka rebounds nga maoy iyang ika-upat nga double-double karon nga conference.

Si Dionisio adunay 11 puntos off the bench pinaagi sa 3 of 5 shooting gikan sa tres diin ang usa niini mao ang para second overtime.

“It’s all about the grit and determination. We were down by 16, we just tried to be composed. Sabi ko lang sa kanila, we just try to limit ‘yung aming turnovers. At the same time, mababa lang namin ‘yung lead sa single digit pagdating ng fourth quarter,” matod ni Magnolia coach Chito Victolero.

“Unti-unti, because of our determination and hustle, I’m proud of this guys. Hindi sila nag-give up,” dugang ni Victolero.

Ang Magnolia maoy nagputol sa tulo ka sunodsunod nga daog sa NLEX nga nahagsa sa 4-3 win-lose record.

Si Jericho Cruz sa NLEX niiskor og 21 puntos ug nipasulod sa jumper sa nahabiling 18.6 segundos ubos sa depensa ni Sangalang sa primero nga overtime diin sila naglabaw, 103-99.

Sa pagbalik sa bola, napasulod ni Dionisio ang tira sa tres ug na-foul human siya gisuwayan og palak ni JR Quiñahan. (PAC)