GIPANGSUSPENSO sa ilang tagsatagsa ka mga teams sila si Vic Manuel ug Jio Jalalon tungod sa pagduwa niini og laing tournament nga dili sanctioned sa PBA.

Mismong si PBA commissioner Willie Marcial ang mikompirmar niini sa Tiebreaker Times niadtong Miyerkules sa gabii. Hinuon wa mohatag ang commissioner og dugang detalyi.

Niadtong Pebrero 22, usa ka video ang na-upload sa Facebook nga nagdala sa ngalan nga Kalan+Banga ang nagpakita nga sila si Manuel ug Jalalon uban sa suspendido na daan nga si Calvin Abueva nanuwa. Nasayran nga sila si Manuel ug Jalalon wala mananghid sa ilang tagsatagsa ka mga teams hinungdan nga gipangsuspenso.

Tungod niini, nagplano si Marcial nga mopagawas og memo alang sa tanang mga players nga kinahanglan mananghid una sila sa ilang mga teams ug sa PBA sa dili pa sila moduwa sa “ligang labas.”

Kay kon dili mapahamtangan sila og dakong silot, matod sa komisyoner. (JBM)