Nisaad si Eumir Marcial sa Philippine Olympic Committee (POC) nga moaway siya sa duha ka mayorihiyang international sporting events sa tuig 2023 lakip na niini ang Asian Games.

“I talked to him (Marcial) now and he will fight in (the Southeast Asian Games) Cambodia and Asian Games,” asoy ni POC president Abraham ‘Bambol’ Tolentino sa interbyu sa Daily Tribune.

Ang Asian Games usa sa qualifying tournaments alang sa Paris 2024 Olympics.

“That’s a very important event,” dugang ni Tolentino.

Si Marcial kasamtangang hugot nga nagbansaybansay sa Las Veas alang sa iyang ikaupat nga away isip professional boxer nga gikatakda karong Pebrero, 2023.

Sa dili pa siya mohamag sa Asian Games, si Marcial mokampanya una sa Southeast Asian Games nga ipahigayon karong Mayo 5-17, 2023 sa Cambodia.

Ang Asian Games gikatakda karong Septiyembre 23 hangtod Oktubre 8, 2023 sa Hangzhou, China.