SA labing unang higayon, mag-uban sa usa ka puwersa ang tanang Pinoy nga mga basketbolista nga nagduwa sa Japan Professional Basketball League (B.League) alang sa usa ka misyon.

Ang mga Pinoy mao ang mayoriyang molangkob sa Asia All-Star squad nga makigbatok sa Rising Stars alang sa B.League All-Star Weekend nga gikatakda karong Enero 14-15, 2022.

Pangulohan nila ni Division 1 players Kiefer Ravena (Shiga Lakestars), Thirdy Ravena (San-En Neophoenix), Kobe Paras (Niigata Albirex BB), ug Ray Parks, Jr. (Nagoya Diamond Dolphins) ang mga Pinoy nga mopakita’g aksyon sa kalibukan.

Ang ubang mga Pinoy nga sakop sa team mao sila si Dwight Ramos (Toyama Grouses), Javi Gomez de Liaño (Ibaraki Robots), Juan Gomez de Liaño (Earthfriends Tokyo Z) ug Kemark Cariño (Aomori Wat’s).

“I am very much excited to play against the Rising Stars of the B.League and [play] with my Filipino brothers here and also from the different countries being represented here in the B.League,” matod ni Ravena nga napatik sa www.gmanews.tv.

Gawas sa Asia All-Stars vs. Rising Stars, ang B.League All-Star Weekend mopahigayon sab og dunk contest, skills challenge, ug 3-pt. shooting challenge