GILAMPORNAS sa Miami Heat ang NBA league leader Utah Jazz, 124-116 sa balwarte sa Miami.

Si Jimmy Butler nirehistro sa iyang season high 33 points aron pangulohan ang kadaugan sa kampo ni Fil-Am coach Eric Spoelstra batok sa Fil-Am NBA player nga si Jordan Clarkson ug sa Jazz.

Si Goran Dragic, nipabuhagay sab sa iyang 26 puntos nga maoy season high sa veteran playmaker nga maoy ika-3 nga pilde sa Jazz sulod sa 25 ka duwa.

“A high-level game,and we had some big plays down the stretch,” matod ni Spoelstra.

Si Bam Adebayo niamot og 19 points ug 11 rebounds para sa kadaugan sa Heat ug niamot sab og 15 puntos si Duncan Robinson ug 12 puntos kang Kendrick Nunn para sa Heat.

Grabe ang depensa sa Miami sanglit nabunlot nila sa 29% ang shooting percentage sa Jazz sa fourth quarter.

“I don’t want to say that we’re good yet. I think we’ve got so much more to figure out. We’ve got so much more that we can be better at. Myself, anybody, I don’t want us to get complacent and think that we’re cool, we’re good. Nah, that’s not the case. We’ve got a long way to go,” paghulagway ni Butler.

Si Donovan Mitchell nirehistro og 30 puntos para sa Jazz apan nasipyat og kawalo gikan sa 9 ka itsa.

Samtang nidaog ang Los Angeles Lakers batok sa Portland Trail Blazers 102-93 para pakgangon ang ilang upat ka sunodsunod nga kapildehan.

Si LeBron James nirehistro og 28 puntos samtang 22 ang giamot ni Dennis Schroder sa iyang pagbalik og duwa. (PAC)