Gitabangan si Filipino billiard star Dennis Orcollo sa iyang kahigalaan sa Amerika human siya gidid-an pagsulod sa nasod gumikan sa isyu sa iyang visa.

Usa ka petisyon sa Change.org ang nanawagan og suporta alang kang Orcollo, kinsa na-deport sa Amerika sa sayong bahin ning buwan sa Enero, 2022 tungod sa kasong overstaying.

Si Orcollo, 42, kinsa usa sa top-ranked pool players sa kalibutan, gidid-an nga makasulod sa Amerika sulod sa lima ka mga tuig.

Tungod niini, dili makasalmot ang lumad nga taga Surigao og mga torneyo sa Amerika ning panahuna.

Aduna na'y mga higala ni Orcollo ang naglihok aron mahikay ang mga dokumento aron makasulod siya'g balik sa Amerika.