GANTING salapi nga mokabat ngadto sa P400,000 ang nakahan-ay alang sa 2-cock derby nga ipahigayon karong Hulyo 25, adlawng Huwebes, diha sa New Gallera de Mandaue sa barangay Tabok, siyudad sa Mandaue.

Kini maoy gipahibawo ni Abio Monsanto, ang usa sa mga nagdumala sa Gallera.

Gipahibawo ni Monsanto nga ang tinimbangay pagahimuon ugmang adlawa gikan sa alas siyete sa buntag hangtod na sa alas singko sa hapon. Ubos sa RTD Promotions, ang pot money nagkantidad og P3,500. (PR)