KON makakuha siya og kahigayunan, mobisita si World Boxing Association (WBA) welterweight king Manny Pacquiao sa iyang kanhi American trainer nga si legendary Freddie Roach.

“Gusto ko bisitahin siya, kamustahin. Legend na rin yan eh. Si Freddie Roach. Legend,” matod ni Pacquiao sa interbyu sa programang Balitanghali sa GMA News.

Giklaro ni Pacquiao nga iyang gihangop ang ideya nga magkatrabaho sila’g balik ni Roach sa ugma damlag.

Si Roach miangkon nga nasakitan nga wala na siya gikuha ni Pacquiao sa pagpakigbatok niini kang Lucas Matthysse niadtong Dominggo.

Sulod sab sa 15 ka mga tuig nga nag-uban sila si Roach ug Pacquiao. (ESL)