MALISOD nga tahas ang sagubangon ni Aston Palicte, ang gipanglantawan nga maoy sunod Pinoy nga mamahimong world champion, sa dihang mosuway kini og labni sa WBO super-flyweight title.

Kini tungod kay iyang ikakontra ang three-division champion nga haponanon ngasi Kazuto Ioka didto sa Japan karong Hunyo 19.

Aduna nay nakab-ot nga kasabutan ang kampo ni Palicte ug Ioka alang sa WBO super fly title, ang titulo nga gibuhian ni four-division champion Donnie “Ahas” Nietes.

Kon kahinumdoman, ang maong titulo nalangkat ni Nietes niadtong bisperas sa bag-ong tuig human niya mapildi si Ioka pinaagi sa majority decision.

Hinuon wala pay tino nga dapit kon asa sa Japan ipahigayon ang maong away.

Kini maoy ikaduhang pagsuway ni Palicte (25-2-1, 21KOs) alang sa maong titulo human sa ilang panagsangka ni Nietes sas niaging tuig nga misangpot sa kontrobersiyal nga panagtabla.

Target ni Ioka (23-2, 13 KOs) ning awaya ang iyang ikaupat nga world division title samtang target ni Palicge nga mahitabo sa mga kasamtang world champion sa kasamtangan tapo nila ni Manny Pacquiao, Jerwin Ancajas, Nonito Donaire ug Vic Saludar. (JBM)