NAGKAINITAY sa social media ang players sa Los Angeles Lakers ug Los Angeles Clippers human sa ilang panagsangka didto sa California niadtong Sabado.

Human gipilde sa Clippers ang mas inilog nga Lakers, 119-115, mi-trending dayon ang comment post ni Isaiah Hartenstein.

Ang big man sa Clippers nga si Hartenstein mi-caption sa iyang post nga usa ka dako nga daog alang kanila ang maong duwa.

Apan wa makauyon si Lakers guard Kendrick Nunn niini. Mi comment si Nunn nga huwaton lang ang iyang pagduwa kay kahibalo man ang tanan kon kinsa ang hari sa Los Angeles.

Si Nunn anaa pa sa iyang unang season sa Lakers ug wa pa kini makaduwa tungod sa bone bruise sa iyahang tuhod.

Sa history sa NBA ang Lakers adunay 17 ka championship samtang ang Clippers wa pa makatilaw og kampeyonato.