SA KINATIBUK-AN, miabot na og 70 ka international titles ang naangkon ni Efren “Bata” Reyes, basi sa Wikipedia.

Sa tanan niyang kalampusan, ang pagsakmit ni Reyes sa kampyunato sa 1999 World 9-Ball Championship sa Cardiff, Wales mao ang gikonsiderar nga labing halandumon.

Ang kalampusan ni Reyes mao ang hinungdan nga nabantog og maayo ang duwa ang billiards sa Pilipinas.

Sa finals, si Reyes, kinsa gitawag sab og “The Magician,” yanong milupig kang Chang Hao Ping sa Chinese Taipei, 11-4.

Wala man tuod maglisod si Reyes sa finals apan ang iyang giagian aron makaabot sa finals puwerte kalisod.

Ang kadaugan ni Reyes batok nila ni Ralf Souquet sa Germany, 11-7, ug Akikumo Toshikawa sa Japan, 11-9, mao ang naghan-ay sa all-Filipino semifinal match diin gikasangka ni Reyes ang iyang kumpare ug kababayan nga si Francisco “Django” Bustamante.

Ang tanang mga duwa ni Reyes ning maong kompetisyon gitutokan og maao sa mga Pinoy. (ESL)