Sa bag-ong libro nga gigawas ni Scottie Pippen, gibutyag niini nga mas mopili siya kang Lebron James batok sa iyang kanhi teammate sa Chicago Bulls nga si Michael Jordan.

Si Pippen ug Jordan maoy labing sikat nga players sa dekada 90 nga midaog og unom ka titulo ubos sa Bulls. Apan bisan pa niini aduna gihapoy pagsaway si Pippen sa iyang teammate.

Matod pa sa libro ni Pippen nga ‘Unguardable’ nga giguba ni Jordan ang basketball kay dili kini gusto mopasa, rebound o mobantay sa pambato nga player sa pikas team.

Gidugang ni Pippen nga mas pilion niya si Los Angeles

Lakers superstar Lebron James isip Greatest of All Time (GOAT) kay sa iyang kanhi teammate.

“Kids wanted to be ‘Like Mike.’ Well, Mike didn’t want to pass — didn’t want to rebound, or defend the best player. He wanted everything done for him. That’s why I always believed LeBron James was the greatest player this game has ever seen — he does everything and embodies what the game is truly about,” butyag ni Pippen.

Si Pippen miduwa sa Chicago Bulls sa tuig 1987-1998. Human mabungkag ang Bulls nabalhin sa Pippen sa Houston Rockets (1999) ug Portland Trail Blazers (1999-2003).

Miretiro si Pippen nga adunay 18,940 puntos, 7,494 rebounds ug 6,135 assists. Sa kasikatan sa Bulls giisip si Pippen nga backup ni Jordan.

Si Pippen ug Jordan mikulit og duha ka three-peat sa tuig 1991-1993 ug 1996-1998.