Mi-withdraw sa umaabot nga Philippine Basketball Association (PBA) Rookie Draft ang posibleng mapiling No.1 overall pick nga si Justine Baltazar, produkto sa De La Salle University (DLSU) Green Archers.

Nagkanayon si PBA commissioner Willie Marcial nga nakadesisyon si Baltazar nga mo-withdraw gumikan kay gidawat niini ang dakong tanyag aron moduwa sa Japan B.League.

Gipasabot ni Marcial nga mas maayo kini aron dili mapiit sa sitwasiyon si Baltazar sa umaabot.

“Para hindi maipit ‘yung bata, at para hindi maipit ‘yung team, mag-Japan muna siya tapos saka siya bumalik, ‘pag okay na,” batbat ni Marcial nga napatik sa Spin.ph.

“Sabi ko, pagkatapos mo ng commitment sa Japan, welcome ka naman sa PBA.”

Si Baltazar nahimong three-time UAAP Mythical Team member dihang nagduwa pa siya sa Green Archers.