Daghan ang nakurat sa Facebook post nga nitaliwan na sa laing kalibotan ang 66 anyos nga si Efren “Bata” Reyes kinsa gikonsiderar nga greatest pool player of all time.

Apan dihang nabasahan sa pamilya ang ‘fake news’ dali nga nakapahibawo nga buhi pa si Reyes ug himsog pa kaayo kinsa nakahatag og sobra 70 ka titulo sa Pilipinas sa natad sa billiards.

“Okay lang ako,” matod pa ni Reyes sa video post sa iyang anak nga si Chelo diin atol sa pagkatap sa ‘fake news’ nagtan aw pa og duwa sa NBA ang gitawag og “the magician”.

Hangtod sa pagsuwat niining balita, wala pa nasayri kon si kinsa ang nagpasiugda sa pagpakatap sa pagpangilad. “Sa mga nagse-share at nakakabasa ng mga lumalabas na balitang patay na si Tatay, huwag po kayo maniwala, fake news lang po yan. Diyos na bahala sa inyong nagpapakalat ng ganyang balita,” matod pa ni Chelo. (PAC)