NASUBHAN og kadaugan ang San Miguel Beermen sa East Asia League Terrific 12 niadtong Martes, Septiyembre 17, 2019 sa Macao.

Ang Beermen nakasandig sa sayong pagmangtas sa opensa sa ilang import nga si Dezmine Wells aron lupigon ang Shenzhen Aviators sa China, 90-76,

Si Wells, kinsa maoy import sa Beermen sa umaabot nga PBA Governor’s Cup, nagpakatap og 29 puntos aron pangulohan ang kadaugan.Mibugnaw man tuod ang duwa ni Wells sa 4th quarter aron natapakan kini sa Beermen pinaagi sa pagpauwan og three-point shots gikan sa ilang lokal nga ginsakupan.

Maayo sab nga nakaduwa alang sa Beermen mao si Terrence Romeo pinaagi sa iyang 17 puntos. Lahi ang nasinati sa laing duha ka PBA teams nga ningsalmot sa kompetisyon nga mao ang Talk N’s Text Ka Tropa ug Blackwater Elite.

Ang KaTropa nasugamak sa 96-91 nga kapildihan batok sa Liaoning Flying Leopards sa China samtang ang Elite napilde sab batok sa Seoul SK Knights sa Korea, 99-77. (ESL)