SUGDAN na karong Abril 6, 2020 ug motapos sa Abril 30 ang 1st level sa 2020 Sunsport Basketball Training Camp nga ipahigayon diha sa Sacred Heart Center sa D. Jakosalem St., dakbayan sa Sugbo.

Kini maoy gipahibawo ni Jojo Romarate, ang training director sa tinuig nga training camp.

Matod ni Romarate nga ang registration fee nagkantidad og P1,500 matag buwan diin aduna na kini libri nga bola, jersey, Shoe bag ug shirt.

Sa maong camp, ang mga estudyante tudloan sa mga basic ug fundamentals sa basketball sama sa dribbling, defense, one-on-one, shooting drills, teamwork, discipline ug uban pa.

Ang 2nd level sugdan sa Mayo 4 ngadto na sa 29, 2020.

Gipadayag ni Romarate nga kadtong interesado mahimong mobisita lang sa nahisgutang sports center ug mahimo usab nga mokontak sa 345-1015 ug sa 0922-523-39-68. (PR)