Mingrehistro og kadaugan ang Taboada Drilling Services ug Brothers for Life (BFL) batok sa tagsatagsa nila ka kontra sa Labangon Elite Ballers Basaketball League niadtong Biyernes sa gabii, September 13, sa Labangon Sports Complex.

Gipangkusokuso sa Taboada ang Camacho Food Supply, 87-72, sa pagpangulo ni sa kanhi Cebu Institute of Technology-University (CITU) ace Joshua dela Cerna, kinsa nipakatap og 20 puntos.

Sa laing bahin, ang BFL mas bangis sa ilang pagkampornas sa Journey to Recovery, 91-63.

Ang kanhi University of the Visayas (UV) Baby Lancers standout Nelson Peralta maoy nangulo sa kadaugan pinaagi sa iyang 20 points. (JNP)