ANG tag-iya sa franchise sa New York Knicks sa NBA nagpositibo sa coronavirus. Kini maoy gipahibawo sa team kagahapon.

Si James Dolan, executive chairman sa Madison Square Garden Company, sa kasamtangan nagpaubos sa self-isolation bisan og wa kini makasinati og symptoms.

Sa gipagawas nga pamahayag sa PR sa Knicks, si Dolan nagpadayon gihapon sa pagpadagan sa operation sa team bisan pa man og duna kini coronavirus.

Ang New York City karon maoy girumbo sa coronavirus diin moabot na ngadto sa 30,000 ang nataptan sa virus diha lang sa maong dapit.

Samtang mikabat na ngadto sa 728 ka mga tawo ang namatay.

Hinuon wala pay gikataho nga adunay laing napositibo sa maong virus sa team gawas kang Dolan. (JBM)