SA IYANG pagbalik sa Amerika, si Talk N’ Text KaTropa Terrence Jones nagpasalamat dili lang sa iyang mga kauban kon dili hasta ang iyang mga nakontra sa Philippine Basketball Association (PBA) Commissioner’s Cup.

Sa iyang post sa Instagram, si Jones mihulagway sa PBA nga “incredible experience.”

Si Jones, kinsa kanhi magduduwa sa National Basketball Association (NBA), maoy napiling Best Import awardee sa Commissioner’s Cup apan napakyas siya sa iyang tinguha nga agakon ang KaTropa sa kampiyunato.

Ang KaTropa gilupig sa San Miguel Beermen, 4-2, sa Commissioner’s Cup finals series.

Si Jones nalambigit sab sa pipila ka mga kontrobersya sa PBA apan ang nitatak og maayo mao ang pagtawag ni Beermen forward Arwind Santos kaniya og “monkey.” (ESL)