ANG kanhi presidente sa US nga si Donald Trump maoy magsilbeng commentator o annotator sa umaabot nga away tali ni kanhi world heavyweight champion Evander Holyfield ug Brazilian mixed martial arts star Vitor Belfort.

Kini maoy gipahibawo sa usa ka digital channel nga maoy mag-live stream sa maong panagsangka.

Dili bag-o ni Trump ang boxing sanglit pipila na ka higayon nga naka-host kini og pipila ka mga away sa iyang mga casino sa Atlantic City.

Hinuon ang main commentary sa away makita sa HBO channel apan mahimo ra usab ang viewers nga mobayad og $49.99 mopili sa pagpaminaw sa commentary ni Trump sa FITE uban sa iyang anak nga si Don Jr.

Si Holyfield, 58, makigsangka ni Belfort karong Dominggo, Septiyembre 12, 2021 (RP time) sa Hollywood. (JBM)