MAG-ILOGAY silang Calvin Abueva, Mikey Williams ug Robert Bolick sa best player of the conference (BPC) award human sa elimination round sa 2021 PBA Philippine Cup

Ang tulo aduna lay gamay nga deperensiya sa ilang statistical points para sa gikaintapang top individual award sa conference nga gisakmit ni Stanley Pringle atol sa Clark bubble sayo niining tuiga.

Si Abueva kinsa 9 na katuig sa liga ug una niyang pagduwa sa Magnolia maoy nag-una batok sa mga batan-on ug super rookie sa TNT Tropang Giga ug sa batan-ong ug bisaya sa NorthPort.

Si Abueva nakatigom og 35.36 stats points per game sa elimination, 35.30 ang kang Williams ug 35.27 kang Robert Bolick.

Laing pambato sa NorthPort nga batan-on pa usab nga si Jamie Malonzo (31.5) nga maoy ika-upat ug gisundan kini ni sa teammate ni Abueva nga si Ian Sangalang nga adunay 31.3 nga maoy nag-okupar sa ika-5 nga pwesto.

Ika-unom si San Miguel Beer’s CJ Perez (30.7), Rain or Shine’s Javee Mocon (31.1), San Miguel’s Arwind Santos (29.6), Phoenix Super LPG’s Jayson Perkins (29.4) ug Ginebra’s Scottie Thompson (29.4) nga maoy nagkumpleto sa top 10.

Samtang nagsunod kang Williams para sa rookie of the year award mao si Malonzo (20.6)ug ikatulo si Alvin Pasaol sa Meralco (19.1) ug si Leo Santillan (15.6) sa Rain or Shine.

Si Bolick nag-average og 18.1 points ug 7.3 assists ug 6.9 rebounds, si Abueva adunay 16.1 points, 9.7 rebounds ug 3.1 assists samtang si Williams nag-average og 18.4 points, 4.2 rebounds ug 3.7 assists. (PAC)