Vallena: Fork
Sa nangaging mga semana, hot topic ang nangaputol ug nang-crack nga mga fork. Di lang ko maghisgot og brand nga maoy common kaayo nabutang sa social media. But klaro man nga baratuhon nga air fork.
Nagsugod ko sa baratuhon o affordable nga bike forks nga coil. Nalimot na ko sa us aka brand but ang akong giganahan mao ang XCR sa Suntour. Maayo og rebound sa 100mm ug lig-on. Mga 10 ka tuig na kapin ning akong mga fork nga XCR, wa pa gihapon maunsa.
Di man ko tig-trail but long rides sa kabukiran nakaagwanta ra man ang forks nako. Hangtod nga nibalhin ko sa laing model sa Suntour nga mao ang Epicon ug karon mas naila nga Epixon. Sa mga nagsugod og air fork, kani maoy labing paborito. Di lang kay medyo affordable, maayo gihapon ang performance ini.
Nakapalit ko og 180mm sa Avenue kay ni-offer ang akong higala nga usa sa mga anak sa tag-iya og dako-dako nga discount. I think 2012 ko nipalit and until now, buhi lang gihapon. Di ko mahibung nga daghan sa bikers ang naggamit sa Epixon tungod sa iyang maayo nga performance.
But kon gusto ka og medyo gahi og rebound nga suspension fork, naa may lain. Just ask sa bikeshops. Ang labing una nakong form mao ang Zoom. Apan wa ko ganahi kay dunay magtingog sa ilawom. Ako lang gani tong gibaligyag barato kaayo.
