TEX Winter, ang nagmugna sa Triangle Offense, ug maoy mitabang ni multi-titled coach Phil Jackson nga makahagdaw og mga titulo sa NBA teams - ubos sa Chicago Bulls ug Los Angeles Lakers - ang mipanaw na sa laing kalibutan sa edad nga 96 anyos.

Ang iyang pamilya mibutyag nga siya namatay sa Manhattan, New York diin siya nagsugod sa pagka-coach sa Kansas State niadtong 1947 ug nangulo sa Wildcats ngadto sa Final Fours ug walo ka mga titulo sa tuig 1954-68.

Si Michael Jordan sa iyang pamahayag nga gi-email sa Chicago Tribune nagkanayon, “I learned so much from Coach Winter. He was a pioneer and a true student of the game."

“His triangle offense was a huge part of our six championships with the Bulls. He was a tireless worker.”

Si Winter ang mitabang ni Jackson nga malangkat og titulo ang Bulls sa 1991, 1992, 1993, 1996, 1997 ug 1998, ug ingon man sa Lakers sa 2000, 2001, 2002.

Nahimo siyang consultant sa Lakers niadtong nakampiyon kini sa 2009 ug 2010. JBM