Nisaka ang world ranking sa Gilas Pilipinas human sa impresibo niining kampanya sa miaging fifth window sa FIBA Basketball World Cup Asian Qualifiers.

Ang Gilas ningpatong na sa ika-40 nga luna basi sa labing bag-ong gawas nga FIBA men’s basketball world rankings.

Sa fifth window, ningsulong ug ningdaog ang Gilas batok sa Jordan, 74-66, ug Saudi Arabia, 76-63.

Ang maong mga kadaugan nakahatag sa Gilas og 315.7 puntos, igo lang aron mosaka og usa ka ang-ang ang world ranking niini.

Sa ikaunom ug final window, ang Gilas mo-host sa Lebanon ug Jordan karong Pebrero, 2023.

Sa laing bahin, nailog na sa Spain gikan sa United States ang No. 1 world ranking.