NA-UKAY ang fans ni Angel Locsin sa iyang Instagram post niadtong Sabado, Hunyo 29 nga adunay caption: “I said YES.”

Gisundan sa mga hulagway diin sul-ob sa aktres ang diamond engagement ring gikan sa iyang boyfriend ug karon fiancé Neil Arce kinsa mi-propose na og kaminyuon.

Gi-uwan sa reaction ang engage couple gikan sa celebrity friends ug fans/followers, Vice Ganda, Bea Alonzo, Barbie Imperial, Maris Racal, Yasmien Kurdi, Andrea Torres, Raymond Gutierrez, Jerald Napoles, Coleen Garcia, ug daghan pa sigun sa taho sa PEP.ph.

Kahinumduman nga niadtong Pebrero 2018 gitug-an ni Angel ug Neil ang ilang relasyon kinsa taod-taod nang suod nga higala. (B)