Gina P. Villapez

c/o Pardo Elementary School, Cebu City

Duwa diri, duwa didto

Kanta diri, kanta didto.

Kini ang among buhaton

Kay mga batang malipayon.

Dali kami nga makat-on

Kay among magtutudlo

Kanunay nga mapahiyumon.

Busa kanunay ming gangisi

Kay malipayon man pirmi.

Garbo kami sa ginikanan,

Kaming abtik ug sabaan.

Nagpaila lang kami sa tanan

Kami himsog ug busog sa kaalam.

Husto ug tukma nga kaalam

Ang gihatag kanamo ni Ma’am,

Uban ang pag-ampo sa Ginuo

Nga kanunay ug ensakto.