ANG gingharian

sumpay sa hadis;

Ang simbahan

sumpay sa baboyan.

Kapila ko mabuntagi

Sa kangitngit

Diin sa akong panit

Mga liso sa kasakit

Miturok mga lama

Sa pagpakasala:

Maanyag nga mga babaye

Nagsaka-kanaog

Sa akong galamhan.

Miyabo sa tagsa-tagsa

Nila ka kahumot.

Ang kahumot napan-os

Ug mibanos ang kalang-og.

Ang gingharian

Ug ang simbahan

Gisumpay sa hagdanan...

Natumpag ang hadis

Ug baboyan.

Unsa ang kamatuoran?...

Mga nagpabiling lama, kum-ot,

Ug nangalisbong baho

Sa wala malabhi nga panyo.