GIPAKITA sa Miss Universe Philippines 2019 Gazini Ganados ang iyang dancing prowess atol sa “ASAP Natin To” kagahapon, Nobiyembre 10.

Uban ni Gazini sa stage sila si Elmo Magalona, Enchong Dee, ug Jin Macapagal sa pagsayaw og remix version sa “Señorita,” natala sa ABS-CBN News.

Gisundan sa pagrampa ni Ganados sa stage samtang giawit ang “Raise Your Flag” ni KZ Tandingan ug Kritiko nga gibase sa slogan ni Miss Universe Catriona Gray.

Gikatakda nga karong Disyembre 8 ipahigayon ang coronation night sa Miss Universe didto sa Atlanta, Georgia. (B)