NANGUNAY ang manager sa ABS-CBN actress Julia Montes nga si Erickson Raymundo sa pagpadangat og text message ngadto sa PEP.ph kalabot sa tsismis nga nagtago sa Germany ang aktres kay mabdos.

Aduna say nigawas nga blind item kalabot sa young actress nga giingong kalit nga mibiya sa nasud nga giingong nagtago-tago didto sa Europe tungod kay nimabdos ug ang amahan sa iyang gisabak mao ang laing sikat nga actor.

Nisamot ang pagduda nga si Julia Montes maoy gipasabot sa blind item ilabi na nga “no show” ang aktres sa Kapamilya events sama sa ABS-CBN Christmas special ug special screening sa iyang advocacy film diin kauban niya si Kean Cipriano.

“She’s in Germany with her dad... She heard about (the rumor) and we called her... pero hindi talaga totoo,” base sa text ni Raymundo.

Public knowledge na nga si Montes na-link sa Kapamilya actor nga si Coco Martin. (B)